AF268: 80r

Edirnenüñ hevāsına ne dėrsüz ḥekīm eyitdi pādişāhum orta hevādur ġāyet laṭīfdür deryānuñ berü cānibinde yoqdur hevā‑dār // yėr olmaz meger ki melaḫı [?] ola yāḫᵛud Buçuq tepenüñ şemālī cānibinde ki mevżiʿ ola pādişāh döndi Edirnede ki // cārī olan nehr‑i s̱ālis̱den suʾāl olunduqda ḥekīm‑i kār‑dān eyitdi pādişāhum bu ṣularuñ biri demevīdür ki nāmına Arda // dėrler kemāl mertebede laṭīf ve hāżim ṣudur ḫasta içerse şifā bulur demevī idügi neden maʿlūm olur // dėdüklerinde ḥekīm eyitdi şehā qanġı ṣunuñ ki cārī olduġı mevżiʿde ṭaş ola ol ṣu altında demevīdür // be‑ġāyet laṭīfdür faṣl‑i yayda içmeyeler zīrā yaramazdur ġusl ėtmek cāyizdür s̱āniyān Meric ṣafrāvīdür // eger qumı pāk ve altun mes̱ellü şaʿşaʿsı ola ol daḫı demevīdür s̱ālis̱an nehr‑i Tuncanuñ mecrāsı balçıqdur ṣuyuñ // cārī olduġı mevżiʿ balçıq olsa ol ṣu balġamī olur faṣl‑i yayda içmek ġāyet eyüdür // faṣl‑i şitāda içmeden iḥtirāz ėdeler bādı süzüb ṣāf ėdüb içeler ammā ġusl ėtmek ḥūbdur [!] // sevdāvī ṣunuñ ʿalāmeti cārī olduġı yėrüñ gül ve ḥırızma [?] mis̱ālī rāyiḥası olur anı içmeyüb ġusl ėtmek // cāyizdür baʿdehū Sulṭān Meḥemmed Edirneye kemāl mertebe maḥabbet ėdüb ve sarāy‑i cedīd temām olub dārü l‑ḫılāfeleri // maqarr‑i ʿizzetlerine seʿādet ü devlet ile cülūs‑i hümāyūn buyurub baʿdehū ābā vü ecdād‑i ʿālī [...] silkine müslik // olub eks̱er evqātı aʿdāyı dine maṣrūf ve ʿazīmet‑i hümāyūnların olan müşrikīne maʿṭūf qılub niçe defʿa // şevket‑i cihāniyānı ve şecāʿat‑i ṣāḥib‑qırānı ve qāʿide‑i ḫusrevānī üzre ġazālar qılmışlardur ki niçe // medār‑i eṣnāmı beytü l‑islām ve meʿābid‑i evs̱ānı mesācid‑i ehl‑i aʿyān eylemişlerdür nawwara llāhu taʿālā // marqadahū wa‑ǧaʿala l‑ǧannata maṯwāhu ve daḫı naqldür ki quṭbü l‑ʿārifīn ḥażret‑i Şeyḫ Bayrām raḥmetu llāhu taʿālā // ʿileyh şehr‑i Edirneye Sulṭān Murād ġāzīye gelüb sarāy‑i ʿatīqde mülāqī olub baʿdehū eski cāmiʿ‑i şerīfe // gelüb görürler ki qaçan cāmiʿüñ içine girdüm cāmiʿüñ ṣol yanında olan qubbelerden ortaġı qubbenüñ // altında ḥażret‑i sulṭān‑i enbiyā ʿaleyhi ṣ‑ṣalāt u s‑selām aṣḥābı ile rıżvānu llāhu taʿālā ʿaleyhüm ecmaʿīn // muʿtekif gördüm der‑ḥāl cenāb‑i seʿādetlerine teveccüh ėdüb mübārek ḥāki‑pāy‑i [!] şerīflerine yüz sürüp mübārek // ellerin öpüp dėdüm ki yā resūlu llāh bunda n’eylersin ʿizzetle buyurdılar ki cāmiʿ‑i şerīf benümdür ümmetümle // bile olurum yā şeyḫ bu maqāmı zinhār ḥālī görmesünler dāyimā gelüb bunda ki ḥācet dileyeler miḥrābuñ